En ekki baðfatamynd af mér.... fjúkkk....

Jæja nú eru baðfatamyndirnar farnar að streyma inn og væri ég að ljúga ef ég segði að þetta væri ekkert mál.... fæ alveg stress hnút í magann þegar ég frétti að það sé komin inn ný mynd. Alltaf jafn fegin að það sé ekki ég í þetta sinn en það styttist í að þær komi inn!!! En ég er þó í flottum undirfötum sem við stelpurnar fengum hjá Misty sem er á Laugarvegi 178. Ég var nú með valkvíða með hvaða undirföt ég ætti að vera í það var svo mikið um falleg undirföt í þessari búð og ekki skemmir fyrir þegar maður fær frábæra þjónustu.:) Þið sem ekki hafið kíkt í þessa búið ættuð að gera það!!!

Annars fer vika 2 bara vel af stað. Það var tími í gær í Hreyfingu og þvílíkur tími! Svo mikil stemningin frá upphafi til enda.;) Síðan í dag var það verkefni vikunnar að hlaupa 5 km. og bæti ég tímann minn um eina mínútu frá því í síðustu viku (fyrir þá sem hafa áhuga á því var ég 27,22mín), held samt ekki að ég bæti hann í hverri viku á þessum 12 vikum um eina mínútu. ;) Var samt alltaf á leiðinni að labba aðeins en þrjóskan og keppnisskapið er aðeins of mikið að það hélt mér áfram.

Fengum líka nýjan matseðil í gær sem er mjög fjölbreyttur. Hver máltíð er um 300 hitaeiningar og síðan raðar maður upp 5 máltíðum eins og hentar hverjum og einum. Mjög einfalt og gott.

Heyrumst